Tradishonalmente direktiva di Fundashon Alzheimer Bonaire ta organisá su “Masha danki Party” na komienso di aña, pa duna atenshon na su boluntarionan.

Esaki tabata tambe e promé aktividat pa 2026 i djabiѐrnѐ último, 16 di yanüari pa 19.00 or na Resort Bonaire, a invitá e boluntarionan ku tabata mas inbolbí durante 2025. Direktiva a para spesialmente ketu na e echo ku sin kontribushon i sosten di e boluntarionan, e aña ku a pasa lo no tabata asina eksitoso.

A yama e tres boluntarionan dilanti, ku direktiva a skohe komo esnan ku mas a sobresalí durante 2025, pa tuma nan sertifikado, feneta di FAB “ Vrienden van FAB” i tambe un regalo ku direktiva a skohe spesial pa e okashon akí, for di man di representantenan di FAB, Sra. Henna Winklaar , Sra Gerladine Dammers i Sr. Evert L. Piar.

E tresnan ku a sobresalí ta Sr. Jefferson Rosalia di Eagle Eye Media ku huntu ku Intensity ta organisá for di 2022 Alzheimer Awareness Walk den sѐptѐmber, Luna Mundial di Alzheimer, Sra. Marije Veenstra, sikólogo di grandi, for di febrüari 2024 masha inbolbí ku aktividatnan di FAB i Sr, Moises Avellaneda, ku tambe a sobresalí den 2025 ku trabou boluntario pa FAB; tabata un lástima ku Sr. Avellaneda no tabata na Boneiru i pues no por tabata presente djabѐrnѐ anochi.

Direktiva ta wak bѐk riba un anochi masha eksitoso i ke gradisí tambe e otro boluntarionan ku no por tabata presente, pa nan kolaborashon i sosten den 2025 i ta spera ku den 2026 tambe por sigui konta ku nan.

Riba e potrѐt boluntarionan ku tabata presente i miembronan di direktiva di Fundashon Alzheimer Bonaire, i tambe e dos boluntarionan ku a sobresalí .

 

Eindejaars 2025

Direktiva di Fundashon Alzheimer Bonaire, despues di un Luna Mundial di Alzheimer masha eksitoso, sѐptѐmber, a sigui ku su programa anual   anochi pa 19.00 uur ku un anochi di informashon presentá pa un eksperto eksperensiá Sra. Mireya M. Ostiana-Wijman di Henry Ostiana Foundation establesé na Hulanda pero ku un kolaborashon estrecho ku Sint Maarten, na Captain Don’s Habitat pa kuidadónan informal i tur interesado. A lanta Henry Ostiana Foundation despues ku Sr. Henry Ostiana na 2011, komo konsekuensia di tres infarto di selebro, a haña e diágnosis Demensia Vaskular. E fundashon tin komo meta haña konosementu i eksperensia pero tambe pa kolekshoná mas tantu posibel medio pa kompartí ku otro isleño i pa oumentá konsiensia pa Alzheimer/Demensia.

Oradó Sra, Ostiana ta konosí na Sint Maarten pero tambe na Hulanda unda e ta tene charla pa e.o. Alzheimer Nederland. Komienso di aña direktiva a invit’é sabiendo ku sѐptѐmber semper e ta na Sint Maarten en konekshon ku Luna Mundial di Alzheimer i e aktividatnan ku tin ei, pa kompartí na Boneiru su eksperensia komo ѐkskuidadó informal i su storia personal.
Tema di e anochi tabata “Stimando miéntras mi ta lubidá… Alzheimer” òf “Lief hebben terwijl men zich zelf vergeet … Alzheimer.”

Tur e informashonnan akí ta pas bon den e kuadro di strategia di Fundashon Alzheimer Bonaire pa duna komunidat mas publisidat i komprenshon pa e tema di Luna Mundial di Alzheimer e aña akí “ Puntra tokante Demensia # Puntra tokante Alzheimer“. Sra. Ostiana ke yuda miembronan di famia si nan ke papia di nan situashon, nan por yam’é na telefòn i esei presentenan a apresiá mashá.

Tabata un anochi bunita pa kuidadónan informal i interesadonan, bou di nan algun kara nobo. A hasi bon pregunta i tabatin un interakshon perfekto durante kua e tema a bini dilanti.

Presentenan, oradó i direktiva ta wak bѐk riba un anochi di informashon bon bishitá i eksitoso.

Athunto un potrѐt di e anochi

Komunikado di prensa djabiѐrnѐ 3 òktober 2025 1

 

Komunikado di prensa djabiѐrnѐ 3 òktober 2025 2

Djadumingu 21 di sѐptѐmber pa 19.00 or riba Dia Mundial di Alzheimer, direktiva di Fundashon Alzheimer Bonaire (FAB) tabatin su aktividat den kuadro di Luna Mundial di Alzheimer, spesial pa kuidadónan informal i formal i famianan di personanan ku ta biba ku demensia, un anochi di alabansa titulá “Dios ta mi forsa pa sigui”. E aktividat akí tabata grátis i a tuma lugá den Corallium Hotel and Villas, konforme programa di FAB.

Den un sala bunita dekorá algun kantante lokal i Koor Coromoto a trese nan kanto komo aporte na FAB i su invitadonan.
Públiko tabata konsistí di personanan ku ta biba ku demensia, kuidadónan informal, profesionalnan di kuido, spesialistanan i miembronan di famia i tur a gosa intensamente di un bunita anochi.

Direktiva ta wak bѐk riba un anochi eksitoso unda invitadonan a gosa di músika, di kanto i di e ambiente den sala. Presidente Sr. Evert Piar a gradisí e boluntarionan ku a organisá e anochi bou di guia di vise-presidente Sra. Henna Winklaar, i tambe nos artistanan lokal kendenan a aktua gratuitamente pa e meta akí.

Mas aleu presidente a rekordá presentenan ku ainda tin dos aktividat riba programa pa klousurá Luna Mundial di Alzheimer, djasabra awor 27 di sѐptѐmber di 9.00 pa 15.00 or na Kas Karkó Playa tin posibilidat pa hasi Tѐst di Memoria. E tѐst ta grátis i no tin nodi di traha sita. Djadumingu 28 di sѐptѐmber pa 6.00 or tin e 5 km Alzheimer Awareness Walk ku ta kuminsá na Cargill Salt Co, direkshon pa e kasitanan di katibu i bѐk.

 

Dia di FAB2025

Professor Anne-Mei The is cultureel antropoloog, jurist en promoveerde in de medische wetenschappen. Zij ontwikkelde de Sociale Benadering en is hoogleraar Langdurige Zorg en de Sociale Benadering Dementie (Vrije Universiteit Amsterdam). In Nederland is de Sociale Benadering een positief geëvalueerde praktijkbenadering voor zowel mensen met dementie die thuis wonen, als in het verpleeghuis. Ook was Anne-Mei de afgelopen twee jaar adviseur van de minister van ouderenzaken op Aruba.

Professor The heeft haar achtdaagse werkbezoek aan Bonaire, op uitnodiging van Fundashon Alzheimer Bonaire, dinsdag 22 april j.l. om 14.00 uur afgerond met een bezoek aan de Gedeputeerde van Publieke Gezondheid die helaas afwezig was, maar is ontvangen door haar adviseurs: dhr Gerold van Elshuis, dr Nicolette Verduin en drs Danielle van der Linden. Anne-Mei was vergezeld door de voorzitter dhr Piar en vice-voorzitter mw Winklaar van het bestuur van Fundashon Alzheimer Bonaire om verslag uit te brengen van haar bezoek aan Bonaire.

Professor Anne-Mei 1

Op dinsdag 15 april was een kennismakingsgesprek met de leden van Cockpitgroep Ketenalliantie Ouderen (CKO). In de avond hield Anne-Mei een lezing voor een volle zaal bij Fundashon Antriol Avanti met als thema ‘Sociale Benadering Dementie’. Er waren vele zorgmedewerkers en familieleden van mensen met dementie aanwezig. Van dinsdag tot en met donderdag heeft Anne-Mei bezoeken gebracht aan onder meer FKPD, Cocari-Rincon, Kas Sabana, Kas Karko, Ka’i Mimina ,Kas di Kuido (FM) en Pasadia Villa Antonia. Ook heeft zij met directieleden, zorgmedewerkers, mensen met dementie en mantelzorgers gesproken om een goed beeld van de dementiezorg op Bonaire te krijgen.

Het bestuur van FAB is voornemens om de Sociale Benadering, uiteraard aangepast aan de lokale context van Bonaire, in te voeren om daarmee de dementiezorg en -keten verder te ontwikkelen en te humaniseren. Deze ambitie is versterkt door het werkbezoek en de antropologische expertise van Anne-Mei, welke benodigd is om de implementatie tot een succes te kunnen brengen. Het belang en de mogelijkheid van het versterken van de sociale zorgketen in combinatie met informele netwerken met behulp van de Sociale Benadering is duidelijk geworden.

Professor The heeft haar bevindingen en adviezen met het bestuur van FAB, de lokale Overheid en ketenpartners gedeeld en besproken. Aan haar is vervolgens de opdracht gegeven om deze verder uit te werken, zodat op korte termijn vervolg kan worden gegeven aan de invoering van de Sociale Benadering op Bonaire.

Zowel het bestuur van FAB als prof Anne-Mei The kijken terug op een zeer geslaagd werkbezoek en zien uit naar de verdere samenwerking om daarmee de kwaliteit van leven van mensen met dementie en mantelzorgers op Bonaire te verbeteren.

 

Professor Anne-Mei 2

 

Direktiva di Fundashon Alzheimer Bonaire a kontinuá djabièrnè último, 19.00 or ku su programa di aña na Captain Don’s Habitat ku un anochi di informashon.
Resientemente Sentro Akseso Boneiru a introdusí su Lokèt Aksesibel i direktiva di Fundashon Alzheimer Bonaire a aserká direktiva di e Sentro pa tene un presentashon di esaki su servisio i posibilidatnan na e grupo di enfoke di miembronan di famia di FAB i tambe otro dunadónan di kuido kaluroso na personanan ku demensia.

Sra Tamara Janga-Nicolaas, Lider di e Tim pa Trabou Sosial i sra Jurna Clarenda, Lider di e Proyekto Lokèt Aksesibel tabata dispuesto pa hasi esaki i nan a kumpli ku esaki na satisfakshon di tur e presentenan i di Direktiva di FAB.

Direktiva a entregá papel i pèn na entrada di e sala pa esnan ku tabata desea pa nan preguntanan keda anónimo por a nota nan, pa haña kontesta despues.
Mayoria a apresiá esaki i tabata agradesido ku por a ofresé nan e posibilidat aki.
Normalmente ta sera e anochi alrededor di 20.45 or, pero e anochi aki ta te 21.15 por a kaba kontestá tur e preguntanan.

Tabata un anochi hopi bunita ku masha hopi informashon pa e dunadónan di kuido kaluroso, e interesadonan entre otro tambe algun otro kolaborador den kuido.
Na final sr Evert L. Piar a ekspresá na nòmber di direktiva di FAB su apresio pa e oradornan ku a duna nan tempu liber durante e anochi aki, pa a ofresé un presentashon ku asina tantu informashon importante i balioso tokante nan aktividatnan durante oranan di ofisina di Lokèt Aksesibel.

Esnan presente, e oradornan i direktiva ta mira atras riba un anochi bon bishitá i fruktífero.

Anekso un pòrtrѐt di e anochi

FAB Aksesibel

Djaweps 13 di mart un delegashon di direktiva di Fundashon Alzheimer Bonaire a bishitá Diputado di Salubridat Públiko Nina Francees-den Heye pa a entregá Diputado e rapòrt “Dementiemonitor Bonaire 2025”. Esaki ta resultado di e proyekto “Dementie Monitor 2024” ku Fundashon Alzheimer Bonaire a lansa aña pasá den koperashon ku Alzheimer Nederland ku ta e instituto di investigashon Nivel na Hulanda.

E investigashon tabata spesialmente dirigí riba e dunadónan di kuido kaluroso (mantelzorg) den 2024, ku na e momentu ei tabata aktivo. Algun dunadó di kuido kaluroso di kual e persona ku nan tabata kuida a fayesé na momentu dje proyekto, tambe por a partisipá na e investigashon.
E investigashon a konsistí di un lista ku pregunta ku tabata tantu online (Hulandes) komo riba papel (Papiamentu) for di fin di mei te ku medio yūni 2024. Ku un total di 64 rèspòns ku a pasa e drèmpel di 50, direktiva ta masha agradesido i orguyoso.

Deseo di direktiva di Fundashon Alzheimer Bonaire ta, pa tantu nos Gobièrnu lokal komo Gobièrnu di Reino i tambe e kadena di partners den kuido kaluroso lo bai hasi bon uzo di e resultado dje rapòrt aki, komo ku esaki lo ta sigur na benefisio di kalidat di kuido pa nos hendenan ku demensia na Boneiru..

Na momentu di entrega di e raport tabata presente direktor interino di Samenleving en Zorg sr Gerold van Elshuis , Programmamanager Ketenzorg ouderen drs Danielle van der Linden tambe, Hefe di Salubridat Publiko dr Nicolette Verduin tabata diskulpa i di parti di direktiva di Fundashon Alzheimer Bonaire presidente sr Evert L.Piar, vice presidente sra Henna Winklaar, segundo sekretario sra Gerladine Dammers i miembro di direktiva sra Maria Frans-Schermer.
Tabata un enkuentro kòrtiku pero fruktífero durante kual a trata eksperiensia ku kuido i kon duna sostén, peso di kuido i kalidat di bida mirá for di perspekiva di dunadónan di kuido kaluroso.
Direktiva ta bai atendé ku repartishon dje rapòrt i despues por hañ’é tambe riba website di FAB
www.alzheimer-bonaire.com.

Riba pòrtrèt Diputado, direktor interino di Samenleving en Zorg i miembronan di delegashon di direktiva di Fundashon Alzheimer Bonaire.

Dementie monitor 2025

 

Komo parti di su Programa di aña 2025 direktiva di Fundashon Alzheimer Bonaire a organisá un workshop na Kas Karko djasabra último, 15 di februari di 9.00or te 14.00or. E workshop tabata pa miembronan di famia di personanan ku demensia i e tema prinsipal tabata “Kon ta dil ku emoshon”.
Por a partisipá maksimal 60 persona i a sosodé ku for di djaluna 10 di februari ya kaba a yega na e máksimo di inskripshon.

Ora direktiva konsiderá e interes di e kantidat di persona ku kier a inskribi despues i ku no por a partisipá i tambe e eksperensia di djasabra ultimo, direktiva a desidí mésora pa pronto organisá e workshop aki atrobe, pa asina tur esnan ku tabatin tantu deseo pa a tuma parti, haña otro oportunidat pa partisipá.

Esaki tabata ademas otro prueba ku tin tantu nesesidat pa tipo di workshop asina.

Partisipashon tabata grátis i komo muestra di gratitut direktiva a ofresé tur partisipante un lunch pa e bon kuido ku nan ta duna nan sernan stimá i tambe pa nan tempu i esfuerso pa a bin partisipá.

Entre e partipantenan tabatin 11 persona ku demensia i direktiva a logra regla e ora ei di tal manera ku e personanan aki por a bai den un otro sala pa a asistí na un otro tipo di seshon bou di guia di un koperador dunadó di kuido, pa asina nan famianan por a bai partisipá trankil na e workshop.

E workshop tabata bou di guia hopi profeshonal di sra Marije Veensta, sikólogo pa hende di edat i trahadó sosial sra Naidy Marchena.

Na final e partisipantenan a ekspresá kon eksitoso i fruktífero nan a eksperenshá e workshop.

E partisipantenan tur a risibí un sertifikado di direktiva di FAB i sra Veenstra i sra Marchena a risibi un regalito komo muestra di gratitut pa nan koperashon.
Direktiva i boluntarionan ku a hasi posibel pa FAB por a organisá algu asina pa promé biaha, por mira ku satisfakshon atras riba un evento hopi eksitoso.

Riba e pòrtrèt por mira e partisantenan, miembronan di direktiva i e guianan di e workshop.

 

Relato di prensa 17feb2025

 

Masha danki Party Yan 2025

Direktiva di Fundashon Alzheimer Bonaire tin e tradishon pa organisά su “ Masha danki Party” pa honra su boluntarionan na prinsipio di un aña nobo.

Djabièrnè último 17 yanüari esaki tabata e kaso atrobe. E biaha aki den sala Triton di Van der Valk Plaza Bonaire Resort. E aña aki no tabata solamente pa boluntarionan ku tabata mas envolvi den e aktividatnan durante aña 2024, pero tambe pa esnan ku a duna un aporte èkstra komo boluntario, espesial komo aktor den komedia “Ta brueria of Alzheimer” durante sèptèmber, luna  Mundial di Alzheimer. Direktiva a para ketu na e echo ku sin e kontribushon i sostén di nos boluntationan durante aña pasά, esaki lo no por a resultά un aña asina eksitoso i fruktifero.

E dies aktornan/boluntarionan ku a sobresali ku nan aktuashon den aña 2024, a risibi durante e reunion ameno akí, e feneta di FAB “Amigu di FAB” ku a introdusi resientemente i un regalo spesial pa e okashon aki di parti di direktiva, opsekiά pa presidente sr. Evert L. Piar.

E 10 aktornan/boluntario aki ku a lusi tabata Rocío Chavez Meza; Yelitza Josefina; Jessica Frans; Benaia Gijsberta; Anais Sakoetoe i señornan Gilberto Martis; Reksel Engelhart.

Ta lάstima ku señora Xiolimar Perez tabata den eksterior, miéntras sra Edith Britt i sr Johnrick Anthony tampoko no por tabata presente. Pa medio de esaki direktiva ke gradisi tambe kòrdialmente tur e otro boluntarionan ku no por tabata presente pa nan koperashon i sostén den 2024 i ta spera ku den 2025 tambe por sigui konta ku nan.

Riba e pòtrèt por mira e boluntarionan ku tabata presente, e miembronan di direktiva di Fundashon Alzheimer Bonaire i tambe e siete personanan ku a lusi komo aktor.